我的星期五

前晚呀仔差唔多一個鐘起一次身, 仲勁過初出世時, 呀媽真係得番四份一條人命; 尋晚1:10am先訓, 1:30am起身, 2:30am又起身, 之後5am都醒過, 不過自己哭两哭訓返, 起碼訓到今朝十點, 叫做好少少.

慣左豬仔呢两日早起身, 所以我今日豬仔未醒, 我都已經起左身. 搞左一陣電話, 豬仔醒左, 煎年糕做早餐, 餵奶, 自己沖涼.

老公開左隻Roomba吸塵, 返工; 我就一邊跟豬仔玩, 一邊做家務. 見個地實在太污糟, 拖下個地; 見煎年糕隻鍋未洗, 洗埋d碗; 見張床單成三個禮拜無洗, 洗床單... 做做下豬仔扭計, 又要跟佢玩下, 抱下佢, 'tum'佢訓覺. 總之無停過. 煎咗年糕都係有時間食咗三片.

之後跟Dor 食lunch. 有人跟呀仔玩, 起碼可以用少d精神. (真係要萬二分感謝呀Dor, 又帶lunch俾我食, 又幫我'tum'到Evan勁開心. Dor: 你第日生個女喇. 生女我會叫Evan以身相許.)

豬仔訓afternoon nap. Nap nap 下俾樓下大貨車響按嚇醒. Tum定d佢再跟佢玩換片同餵奶.

差唔多八點老公返. 問佢佢先話十點打hockey. 咁咪要九點半出門口! 好彩我無等佢返來已經開始bake pizza. 一邊食pizza一邊寫wedding cards (無再handmade cards 喇, 你估我好得閒呀), 一邊tum 豬仔.

幫完豬仔沖涼, 餵奶. 點知唔瞓. 陪玩到十二點先瞓. 之後拿拿臨揀聴日著嘅衫, 聽曰用嘅嘢, pack diaper bag, pack食奶用品... 豬仔十二點半可能發惡夢嚇醒, tum 返佢訓... 我本來已經好zzz, 不過要熨大少套衫. 之後見開左個iron board, 又擔心老公夜返無時間熨, 熨埋老公件衫. 熨衫唔係我強行, 熨左大半個鐘 (老公回家一句: 我本來聽日早d起身熨... 唉, 呢d咪叫死蠢囉.). 想訓, 發覺張被未入被袋, 枕頭未有枕頭袋. 搞掂好已經两點幾.

老公逢星期五晚打hockey. 我就要一個人搞掂呀仔. 當大部分人都TGIF時, 我就唔係太期望星期五跟週末來臨. 好像今日咁, 好堅既一日. 原來做呀媽真係有超常人既energy. 呢個weekend兩個weddings, 一個birthday lunch, 聴朝仲約咗人. 好忙!

"媽咪, 你咁辛苦, 等我kiss返你啦." <3

咁就3:44am. 晚安.